‘सी’ डिभिजन लिगमा आज दुई खेल हुँदै

काठमाडौं । सहिद स्मारक ‘सी’ डिभिजन लिग फुटबलमा आज दुई खेलहरु हुँदैछ । एन्फा कम्प्लेक्स सातदोबाटोमा हुने पहिलो खेलमा चर्च ब्वाइज युनाईटेड र स्वयम्भु क्लब भिड्दै छन् ।

समूह ‘बी’ मा रहेका चर्च र स्वयम्भुबीचको खेल अपरान्ह १२:१५ बजे शुरु हुनेछ । आज चर्च ब्वाइज लगातार तेस्रो जितको खोजीमा रहेको छ ।

यस्तै दोस्रो खेलमा झापा एफसी र समाज कल्याण खेलकुद केन्द्र भिड्दै छन् । झापा र समाजबीचको खेल दिउँसो ३ बजे शुरु हुनेछ ।

झापा पहिलो जितको खोजीमा रहेको छ । समाज कल्याण भने तेस्रो जितको खोजीमा रहेको छ ।

आगामी चैत २४ गतेसम्म संचालन हुने लिगमा १४ टिमले प्रतिस्पर्धा गरिरहेका छन् ।