काठमाडौं । बायर्न म्युनिखले जर्मन बुन्डेसलिगा फुटबलमा शानदार जित हात पारेको छ । शनिवार राति भएको खेलमा १० खेलाडीमा सिमित बायर्नले स्टुटगार्डलाई ४-० गोल अन्तरले पराजित गरेको हो ।
घरेलु मैदानमा बायर्नलाई जित दिलाउन रोबर्टो लेवान्डोस्कीले ह्याट्रिक गरे । यस्तै सर्जी जिनाब्रीले एक गोल गरे । खेलको १२ औं मिनेटमा अल्फन्सो डेभिसले रातो कार्ड पाएपछि बायर्न १० खेलाडीमा समेटिएको थियो ।
तर, खेलको १८ औं मिनेटमा लेवान्डोस्कीले गोल गर्दै बायर्नलाई अग्रता दिलाएका थिए ।
जिनाब्रीले खेलको २२ औं मिनेटमा गोल गर्दा घरेलु टिमको अग्रता २-० को बन्यो । खेलको २३ औं मिनेटमा लेवान्डोस्कीले व्यक्तिगत दोस्रो गोल गर्दै टिमको अग्रता ३-० को बनाए ।
त्यसपछि खेलको ३९ औं मिनेटमा लेवान्डोस्कीले ह्याट्रिक पूरा गर्दै बायर्नलाई ४-० को जित दिलाए ।
जितसँगै बायर्नले २६ खेलमा ६१ अंक जोडेको छ । बायर्न शीर्ष स्थानमा यथावत रहेको छ ।
स्टुटगार्ड ३६ अंक जोडेर आठौं स्थानमा रहेको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया