भारत र इंग्ल्यान्डबीचको एकदिवसीय क्रिकेट आजदेखि शुरु

काठमाडौं । इंग्ल्यान्ड र भारतीय क्रिकेट टोलीबीचको एकदिवसीय क्रिकेट श्रृंखला आजबाट शुरु हुने भएको छ । तीन खेलको श्रृंखलाअन्तर्गतको पहिलो एकदिवसीय खेल नेपाली समयअनुसार दिउँसो पौने दुई बजेदेखि पुनेस्थित महाराष्ट्र क्रिकेट एसोसिएसनमा शुरु हुने छ ।इंग्ल्यान्ड इयान मोर्गानको कप्तानीमा मैदानमा उत्रिनेछ भने भारतको कप्तानी विराट कोहलीले गर्ने छन् ।

यी दुई टोलीबीच यसअघि भएको टेस्ट श्रृंखला र टी–२० श्रृंखला दुवै घरेलु टोली भारतले जित्न सफल भएको छ । एकदिवसीय विश्व वरियतामा इंग्ल्यान्ड शीर्षस्थानमा छ भने भारत दोस्रो स्थानमा रहेको छ ।