कोरोना मुक्त भएसँगै लुकाकु राष्ट्रिय टिममा सामेल

काठमाडौं । स्ट्राइकर रोमेलु लुकाकु विश्वकप छनोटका लागि बेल्जियमको टिममा सामेल भएका छन् । कोरोना संक्रमण मुक्त भएसँगै लुकाकु राष्ट्रिय टिममा सामेल भएका हुन् ।

इटालियन क्लब इन्टर मिलानका ४ खेलाडीमा कोरोना संक्रमण देखिएपछि स्ट्राइकर लुकाकु टिममा सामेल भएका थिएनन् ।

कोरोनाकै कारण इन्टर र सासोउलोबीचको खेल स्थगित भएको थियो । विश्वकप छनोटमा बेल्जियमले बुधवार वेल्ससँग खेल्दैछ ।

यस्तै शनिवार चेक रिपब्लिकसँग खेल्दा आगामी मंगलवार बेलारुससँग भिड्ने छ ।

• एजेन्सी