नेपालमा थप १ सय ८८ जनामा कोरोना संक्रमण पुष्टि, कति भयो परिक्षण ?

काठमाडौं । नेपालमा थप १ सय ८८ जनामा कोरोना भाइरस संक्रमण पुष्टि भएको छ । पछिल्लो २४ घण्टामा चार हजार ३२ जनाको पीसीआर परीक्षण गरिएकोमा १ सय ८८ जनाको रिपोर्ट पोजेटिभ आएको हो ।

योसँगै नेपालमा कोरोना संक्रमण हुनेको संख्या दुई लाख ७६ हजार दुई सय ४४ जना पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार अहिले देशभर एक हजार एक सय २८ जनाको सक्रिय संक्रमित छन् ।

योसँगै नेपालमा कोरोना संक्रमित मृतकको संख्या तीन हजार १९ पुगेको छ। हाल ४८ जना क्वारेन्टाइनमा छन्।

पछिल्लो २४ घण्टामा ७७ जना कोरोना संक्रमण मुक्त भएका छन्। योसँगै नेपालमा कोरोना संक्रमण मुक्त हुनेको संख्या दुई लाख ७२ हजार ९७ जना पुगेको छ।