लोकसेवा आयोगले सरकारलाई दिएका ७३ वटा सुझाव अलपत्र

काठमाडौं । लोकसेवा आयोगले ६ वर्षमा सार्वजनिक सेवा र प्रशासन सुरधारका लागि सरकारलाई दिएका ७३ वटा सुझाव मध्य अधिकांश सुझाव अलपत्र परेका छन् । आयोगले सार्वजनिक प्रशासनको सुधार र रूपान्तरणका लागि सरकारलाई महत्वपूर्ण सुझाव दिएको थियो । तर त्यसको कार्यान्वयन गर्न नसक्दा मुलुकको सार्वजनिक सेवा र प्रशासन प्रभावकारी हुन सकेको छैन् ।

आयोगका अध्यक्ष उमेशप्रसाद मैनालीलगायत पाँच सदस्य आफ्नो ६ वर्षे सेवाअवधि सम्पन्न गरी मंगलबारदेखि सेवानिवृत्त भएका छन् । अध्यक्ष मैनालीलगायतका पदाधिकारीले मंगलबार पत्रकार सम्मेलन गर्दै आफूहरूको कार्यकालमा गरेका उपलब्धिबारे जानकारी गराएका थिए । सोही क्रममा अध्यक्ष मैनालीले ६ वर्षमा भोग्नुपरेका समस्या र भावी नेतृत्वले भोग्नुपर्ने चुनौतीबारे समेत बताएका थिए । यो खबर आजको राजधानी दैनिकमा छ ।