बंगलादेशको रोहिंग्या शरणार्थी शिविरमा आगलागी : १५ को मृत्यु, ४०० जना बेपत्ता

काठमाडौं । बंगलादेशमा रोहिंग्या शरणार्थी शिविरमा आगलागी हुँदा कम्तिमा १५ जनाको मृत्यु भएको छ । सोमवार साँझदेखि भएको आगलागीमा परी कम्तिमा १५ जनाको मृत्यु र चार सय जना बेपत्ता भएका अन्तर्राष्ट्रिय सञ्चारमाध्यले जनाएका छन् ।

दक्षिणी बंगलादेशस्थित कोक्स बजारमा रहेको शरणार्थी शिविरमा आगलागी भएको हो । आगलागीबाट सयौं पाल र थुप्रै स्वास्थ्य केन्द्रहरु र अन्य सामानहरु पनि जलेर नष्ट भएका छन् । शिविरमा अधिकांश घर काठ र बाँसले बनाइएकाले आगो तीव्र गतिमा फैलिएको थियो। अग्नि नियन्त्रक र स्वयंसेवकलाई आगो नियन्त्रणमा लिन घण्टौं संघर्ष गर्नुपरेको अन्तर्राष्ट्रिय सञ्चारमाध्यले जनाएको छन् ।

• एजेन्सी