पहिलो खेलमै क्रोएसिया पराजित

काठमाडौं । फिफा विश्वकप छनौट अन्तर्गत युरोपियन छनौटको पहिलो खेलमा क्रोएसिया पराजित भएको छ । बुधवार राति भएको खेलमा क्रोएसिया स्लोभानियासँग १-० गोल अन्तरले पराजित भएको हो ।

घरेलु मैदानमा स्लोभानियालाई जित दिलाउन सान्डी लोभ्रिचले निर्णायक गोल गरे । लोभ्रिचले खेलको १५ औं मिनेटमा निर्णायक गोल गरेका थिए ।

जितसँगै समूह ‘एच’ को स्लोभानियाले ३ अंक जोडेको छ । क्रोएसियाले भने हारबाट छनोटको शुरुवात गरेको छ ।

• एजेन्सी