काठमाडौं । अफगानिस्तानको दक्षिण प्रान्त कान्दाहारमा आतंककारीविरुद्ध भएको सुरक्षा कारबाहीमा परी कम्तीमा १२ तालिबान लडाकू मारिएका छन् । सो कारवाहीको क्रममा अन्य पाँच तालिबान लडाकू घाइते भएका सुरक्षा स्रोतले आज (बिहीवार) जानकारी दिएको छ ।
तालिबान लडाकू लुकेर बसेको इलाकालक्षित सो कारवाही भएको थियो । कान्दाहार प्रान्तको आर्घान्दाब र मिवान्द जिल्ला तालिबान लडाकू लुकेर बसेको इलाकालक्षित भएको सो कारवाहीको क्रममा १२ लडाकू मारिनुको साथै अन्य पाँच घाइते भएका थिए ।
यस कारवाहीको क्रममा सुरक्षाबलले आतंककारीले योजना गरेको एम्बुस, विस्फोटक पदार्थ ५५ थान बरामद गरेको बताइएको छ ।
सो कारवाहीको क्रममा सर्वसाधारण नागरिक र सुरक्षा अधिकारीहरु भने हताहत नभएका समाचारमा जनाइएको छ । तालिबान लडाकू समूहले भने सो कारवाहीको विषयमा केही टिप्पणी गरेका छैनन् ।
यो खबर पढेर तपाईलाई कस्तो महसुस भयो ?
प्रतिक्रिया