काठमाडौं । फिफा विश्वकप फुटबल छनौट अन्तर्गत युरोपियन छनौटमा इंग्ल्यान्डले फराकिलो जित हात पारेको छ । बिहीवार राति भएको खेलमा इंग्ल्यान्डले सान मारिनोलाई ५-० गोल अन्तरले पराजित गरेको हो ।
खेलको १४ औं मिनेटमा जेम्सले गोल गर्दै इंग्ल्यान्डलाई अग्रता दिलाएका थिए । २१ औं मिनेटमा लेविनले गोल गर्दै टिमको अग्रता २-० को बनाए ।
खेलको ३१ औं मिनेटमा रहिमले गोल गरेपछि पहिलो हाफमा इंग्ल्यान्ड ३-० ले अघि रह्यो । खेलको ५३ औं मिनेटमा लेविनले व्यक्तिगत दोस्रो गोल गर्दै टिमको अग्रता ४-० को बनाए ।
त्यसपछि खेलको ८३ औं मिनेटमा वाट्किन्सले गोल गर्दै इंग्ल्यान्डलाई ५-० को जित दिलाए ।
जितसँगै समूह ‘आई’ को इंग्ल्यान्डले पहिलो खेलमा ३ अंक जोडेको छ । सान मारिनोले भने हारबाट छनौटको शुरुवात गरेको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया