इटालीको सहज जित

काठमाडौं । इटालीले फिफा विश्वकप छनौट अन्तर्गत युरोपियन छनौटमा लगातार दोस्रो जित हात पारेको छ ।आइतवार राति भएको खेलमा बुल्गेरियालाई २-० गोल अन्तरले पराजित गर्दै इटालीले दोस्रो जित हात पारेको हो ।

खेलको ४३ औं मिनेटमा बेलोट्टीले पेनाल्टीमा गोल गर्दै टिमलाई १-० को अग्रता दिलाएका थिए । खेलको ८२ औं मिनेटमा लोकाटेलीले गोल गर्दै इटालीलाई २-० को जित दिलाए ।

जितसँगै समूह सी को इटालीले २ खेलमा ६ अंक जोडेको छ । इटाली समूहको शीर्ष स्थानमा रहेको छ ।

बुल्गेरियाको लगातार दोस्रो हार हो । अंक बिहीन बुल्गेरिया पुछारमा रहेको छ ।

• एजेन्सी