चक्कु प्रहार गरि छिमेकीलाई घाइते बनाउने पक्राउ

काठमाडौं । धनुषामा चक्कु प्रहार गरि छिमेकीलाई घाइते बनाएको अभियोगमा एक जना पक्राउ परेका छन् ।

मिथिला नगरपालिका-८ कुसुम बिछौना बस्ने २९ वर्षीय रोशन महतोलाई धारिलो हतियार चक्कु प्रहार गरि घाइते बनाएको अभियोगमा सोही ठाउँ बस्ने २८ वर्षीय प्रमोद कुमार महतोलाई सोमवार दिउँसो प्रहरीले पक्राउ गरेको छ ।

होली खेल्ने विषयमा विवाद हुँदा अचानक चक्कु प्रहार गरि गम्भीर घाईते बनाएको भन्ने खबर प्राप्त हुनासाथ अस्थाई प्रहरी पोष्ट बडहरी र ईलाका प्रहरी कार्यालय ढल्केवरबाट खटिएको प्रहरीले चक्कु प्रहार गर्ने प्रमोदलाई पक्राउ गरेको हो ।

घाइते रोशनको प्रादेशिक अस्पताल जनकपुरमा उपचार भईरहेको छ ।

यस सम्बन्धमा प्रहरीले थप अनुसन्धान गरिरहेको बताएको छ ।