खेतमा काम गर्न गएका विजय मृत फेला, हत्याको आशंका

काठमाडौं । धनुषामा एक व्यक्ति मृत अवस्थामा फेला परेका छन् । खेतमा काम गर्न गएका औरही गाउँपालिका-३ बस्ने विजय मण्डल मृत फेला परेका हुन् ।

४० वर्षका मण्डल बिहीवार बिहान औरही-३ स्थित खेतमा काम गर्न गएका थिए । राति अबेरसम्म घर नफर्किएपछि खोजी गर्ने क्रममा उनको शव फेला परेको इलाका प्रहरी कार्यालय औरहीले जनाएको छ ।

मृतकको घाँटीमा गम्छा गाठो पारि बाँधिएको अवस्थामा भेटिएको छ ।

‘हत्या भएको हो वा आत्महत्या भन्ने अवस्था छैन् । पोष्टमार्टमको रिपोर्ट आएपछि मात्रै भन्न सकिन्छ । ‘जिल्ला प्रहरी कार्यालय धनुषाका प्रहरी नायव निरीक्षक सन्तोष झाले लोकपथलाई बताए ।

शवलाई परीक्षणका लागि प्रादेशिक अस्पताल जनकपुरधाम लग्ने तयारी भइरहेको प्रहरी नायव निरीक्षक झाले बताए ।