काठमाडौं । मोटरसाइकल चोरी गर्ने १ जनालाई मोटरसाइकल सहित ट्राफिक महाशाखाले आज नियन्त्रणमा लिएको छ ।
सादा पोसाकमा खटिएको ट्राफिक प्रहरी टोलीले काठमाण्डौं, शखरापुर न.पा.–६, साँखुबाट वास्तविक नम्बर परिवर्तन गरी बा५प७९७६ नम्बरको रातो रङ्गको
एनएस पल्सर मोटरसाइकल चलाइ रहेको अवस्थामा साँगाचोकगढी(६,सिन्धुपाल्चोकका श्रीजर सेन्चुरीलाई मोटरसाइकल सहित नियन्त्रणमा लिएको महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिए । उक्त मोटरसाईकलको वास्तविक नम्बर बा ९१ प १२२१ रहेको खुल्न आएको छ ।
उक्त पक्राउ भएका मोटरसाइकल यही पुस १४ गते कोटेश्वर भाटभटेनीबाट हराएको भनी ललितपुर बस्ने सुजित महर्जनले हुलिया निवेदन यस महाशाखामा दिएका थिए ।
पक्राउ गरिएको व्यक्तिसहित उक्त मोटरसाइकललाई चोरी मुद्दाका अनुसन्धान कारबाहिका लागी महानगरीय प्रहरी वृत्त बानेश्वरमा पठाएको महाशाखाले जनाएको छ ।
पछिल्लो समय उपत्यकाको विभिन्न स्थानहरूबाट चोरी भई हराएका मोटरसाइकल र चोरी गर्ने कार्यमा संलग्न व्यक्तिहरूको सूचना संकलन एवम् निग्रानी राखी विशेष कारवाही अभियान महाशाखाले चलाएको छ ।
यो खबर पढेर तपाईलाई कस्तो महसुस भयो ?
प्रतिक्रिया