निर्वाचन समितिको संयोजकले दिए राजीनामा

काठमाडौं । कांग्रेसका नेता राधेश्याम अधिकारीले केन्द्रीय निर्वाचन समितिको संयोजकबाट राजीनामा दिएका छन्। कांग्रेसको शुक्रवार बसेको केन्द्रीय समिति बैठकले अधिकारीको राजीनामा पत्र स्वीकृत गरेको छ ।

अधिकारीलाई राजीनामा फिर्ता लिन नेताहरुले आग्रह गरेपनि उनले नमानेपछि राजीनामा स्वीकृत भएको बताइएको छ। निर्वाचन समितिका एक सदस्यका अनुसार अधिकारीले दुई साताअघि नै पार्टी कार्यालयमा राजीनामा पत्र बुझाइसकेका थिए।