देशभर आज १२८ कोरोना संक्रमित थपिए, १ जनाको मृत्यु

काठमाडौं-  बितेको २४ घण्टामा नेपालमा थप १२८ जनामा कोरोना संक्रमण पुष्टि भएको छ।

स्वास्थ्य मन्त्रालयका अनुसार २ हजार ७२७ वटा नमुनाको पीसीआर परीक्षण गर्दा १२८ जनामा संक्रमण पुष्टि भएको हो ।

बितेको २४ घण्टामा थपिएकासहित देशभर कोरोना संक्रमितको संख्या २ लाख ७७ हजार ७६८ पुगेको छ। यस्तै पछिल्लो २६ घण्टामा नेपालमा १६१ जना संक्रमणमुक्त भएका छन्। योसहित संक्रमणमुक्त हुनेको कुल संख्या २ लाख ७३ हजार १२३ पुगेको छ। अहिले देशभर सक्रिय संक्रमितको संख्या १ हजार ६१३ रहेको छ ।

पछिल्लो २४ घण्टामा नेपालमा १ जनाको कोरोना संक्रमणबाट मृत्यु भएको छ। योसहित नेपालमा कोरोनाबाट मृत्यु हुनेको संख्या ३ हजार ३२ पुगेको छ।

भारतमा कोरोनाको दोस्रो लहर तिव्र रुपमा फैलिएसँगै सिमावर्ति जिल्लामा कोरोनाको संक्रमणदर पनि बढेको छ ।