स्रोत नखुलेको ४३ लाख नगदसहित एक जना पक्राउ

काठमाडौं– नागढुंगा नाकाबाट स्रोत नखुलेको ४३ लाख र छडके तिलहरीसहित एक जना पक्राउ परेका छन् । पक्राउ पर्नेमा दाङ तुलसीपुर उपमहानगरपालिका–५ का सन्दिप कौशल रहेका छन् ।

शनिवार साँझ ८ बजे दाङबाट आएको यात्रुबाहक बसबाट ४३ लाख रुपैयाँ नगद र नौथान तिलहरी बरामद गरेको प्रहरीले जनाएको छ । दाङ तुलसीपुरबाट काठमाडौं तर्फ आउदै गरेको प्रदेश नम्बर ३-०१-००- ६ ख ०९१२ नम्बरको यात्रु बाहक बसको प्यासेजमा कार्टुनमा कार्टुन टेपले पुरै बेरिएको अवस्थामा रकम प्रहरीले बरामद गरेको हो ।

कार्टुन भित्र हरियो रङको छड्के तिलहरिको पोते ९ थान र नेपाली बिनिमय हजार दरको १००० (हजार दर) को ३९०० (उन्नाचालीस) थान र नेपाली ५०० (पाँच सयदरको) ८०० (आठ सय) थान गरी त्रिचालिस लाख रूपैयाँ फेला परेको हो ।

प्रहरीले सोधपुछ गर्दा उक्त रकम तथा सामान जिल्ला दाङ तुलसीपुर उपमहानगरपालिका–५ सन्दिप कौशलको रहेको खुलेको थियो । यस सम्बन्धमा थप अनुसन्धान भइरहेको प्रहरीले जनाएको छ ।