शारीरिक सम्पर्क गर्ने कार्यमा विवाद, पहिचान खुल्ने डरले महिलाको हत्या

काठमाडौंं । ३५ वर्षीया महिलाको हत्या गरेको अभियोगमा ३ जना किशोर र १ जना किशोरीलाई सोमवार राति प्रहरीले पक्राउ गरेको छ ।

बनेपा नगरपालिका-८ स्थित बसपार्कमा पार्किङ गरी राखेको बा.२ ख २४२७ नम्बरको बसभित्र ती महिला आइतवार मृत अवस्थामा फेला परेकी हुन् ।

घटनाको अनुसन्धान गर्ने क्रममा जिल्ला प्रहरी कार्यालय काभ्रे र ईलाका प्रहरी कार्यालय बनेपाबाट खटिएको प्रहरीले घटनामा संलग्न ४ जनालाई पक्राउ गरेको हो ।

प्रारम्भिक अनुसन्धानको क्रममा मृतक महिलासँग शारीरिक सम्पर्क गर्ने कार्यमा विवाद भई घटनामा आफूहरुको पहिचान खुल्ने डरले सबैजना मिलेर हत्या गरेको खुल्न आएको छ ।

यस सम्बन्धमा थप अनुसन्धान भइरहेको जिल्ला प्रहरी कार्यालय काभ्रेले जनाएको छ ।