एशोसियटको अध्यक्षमा प्रेस युनियनका पराजुली विजयी

काठमाडौं । नेपाल पत्रकार महासंघ एशोसियट प्रदेशको अध्यक्षमा प्रेस युनियनका बैकुण्ठ पराजुली विजयी भएका छन् । उनले डीबी खड्कालाई १ सय २४ मतले पराजित गरे ।

बैकुण्ठले ३ सय ९९ मत ल्याउँदा डीबीले २ सय ७५ मत मात्र ल्याए । उनीहरु दुवै चलचित्र पत्रकार संघका हुन् । यस्तै, एशोसियट केन्द्रीय सदस्यमा पीजे क्लबका विकास कार्की र एभरेष्ट प्रेस क्लबकी कृति भट्टराई विजय भए ।

एशोसियट सदस्यका लागि ५ जना चुनावी प्रतिस्पर्धामा थिए । एशोसियट प्रदेशमा अन्य पदमा निर्विरोध चयन भएकोले निर्वाचन भएन ।