वनमा लागेको आगो बस्तीमा पसेपछि ९ घर जलेर नष्ट

सुर्खेत । सुर्खेतको बराहताल गाउँपालिकाको सिस्नेरी बस्तीमा आगलागीबाट नौ घर जलेर नष्ट भएका छन् । वडा ९ को सिस्नेरी बस्तीमा बिहीवार अपरान्ह चार बजेतिर आगलागी भएको हो ।

आगलागीबाट आठ घर जलेर पूर्ण रुपमा नष्ट भएका छन भने एउटा आशिंक रुपमा जलेको वडा अध्यक्ष युवराज कार्कीले जानकारी दिए । उनकाअनुसार हरियाली सामुदायिक वनमा लागेको आगो बस्तीमा सल्किएको हो ।

बस्तीबाट नजिकै रहेको वनमा लागेको आगो बस्तीमा पुग्दा घर जलेका हुन्, वडाध्यक्ष कार्कीले भने, आगो नियन्त्रण गर्न प्रहरी र स्थानीयबासी खटिएपछि नियन्त्रणमा आएको छ । सिस्नेरी गाउँमा झण्डै १८ घरधुरी छन् ।