काठमाडौं । इंग्लिस क्लब आर्सनल बराबरीमा रोकिएको छ ।
बिहीवार राति भएको युरोपा लिग फुटबल अन्तर्गत क्वाटरफाइनलको पहिलो लेगमा आर्सनलले चेक रिपब्लिकको स्लाभिया प्रागसँग १-१ गोलको बराबरी खेलेको हो ।
खेलको ८६ औं मिनेटमा निकोलस पेपेले गोल गर्दै आर्सनललाई १-० को अग्रता दिलाएका थिए ।
तर, खेलको इन्जुरी समयमा स्लाभियाका टोमस होल्सले गोल गरेपछि आर्सनल जित निकाल्न सकेन ।
यस बराबरीसँगै दुबै टिमको सेमिफाइनल पुग्ने सम्भावना कायम रहेको छ ।
दुई टिमबीचको दोस्रो लेग अप्रिल १६ मा हुनेछ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया