मोबाइल चार्ज गर्दा करेन्ट लागेर एक महिलाको मृत्यु

उदयपुर । मोबाइल चार्ज गर्ने क्रममा करेन्ट लागेर उदयपुरकी एक महिलाको मृत्यु भएको छ। कटारी नगरपालिका ४ सिम्लेकी ३९ वर्षीया मनकुमारी मगर दनुवारको करेन्ट लागेर सोमवार बेलुका मृत्यु भएको प्रहरीले जनाएको छ।

बेलुका साढे ५ बजे घरमा मोबाइल चार्ज गर्ने क्रममा करेन्ट लागेर दनुवार घाइते भएकी थिइन्। उपचारका लागि शान्ति हेल्थ केयर मिर्चैया सिरहा पुर्‍याउँदा दनुवारको मृत्यु भएको इलाका प्रहरी कार्यालय कटारीले जनाएको छ।