बढ्यो सुनको मूल्य, कति पुग्यो तोलामा ?

काठमाडौं । नेपाली बजारमा आइतवार (आज) सुनको मूल्यमा सामान्य वृद्धि भएको छ ।

गत शुक्रवारको तुलनामा आइतवार छापावाला सुनको मूल्य तोलामा २ सयले वृद्धि भएको छ । शुक्रवार प्रतितोला छापावाला सुनको मूल्य ९० हजार ५ सय रहेको थियो भने आज मूल्य वृद्धि भइ प्रतितोला छापावाला सुन ९० हजार ७ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज प्रतितोला तेजावी सुनको मूल्य ९० हजार २ सय रहेको छ ।

महासंघका अनुसार आज प्रतितोला चाँदीको मूल्यमा स्थिरता छाएको छ । शुक्रवार प्रतितोला चाँदीको मूल्य १३ सय रहेको थियो भने आज पनि त्यहि मूल्य कायम भइ कारोबार भइरहेको महासंघले जनाएको छ ।