कोरोनाविरुद्धको दोस्रो डोज खोप अभियान भोलिदेखि शुरु

काठमाडौं । स्वास्थ्य कार्यालय काठमाडौंले कोरोनाविरुद्धको पहिलो डोज खोप लगाएकालाई दोस्रो डोज भोलिदेखि लागउन शुरु गर्ने जनाएको छ । बैशाख ७ देखि ११ गतेसम्म कोरोनाविरुद्धको दोस्रो डोज खोप लगाइने स्वास्थ्य कार्यालयले जनाएको छ ।

यसअघि माघ १४ देखि फागुन १० गतेसम्म कोरोना विरुद्धको पहिलो डोज खोप लगाइएको थियो । पहिलो चरणमा खोप लगाएका सरसफाइकर्मी,स्वास्थ्यकर्मी, सुरक्षाकर्मी, सरकारी कर्मचारी, पत्रकार, बैंक तथा वित्तीय संस्थाका कर्मचारीहरुका लागि दोस्रो डोज खोप लगाइने भएको हो ।

यस्तो छ तालिका :

माघ १४, १५, १६, १७ र २६, २७, २८, २९ गते खोप लगाएका व्यक्तिलाई बैशाख ७ गते

माघ १८, १९, २०, २१, २२ र फाल्गुन २ गते खोप लगाएका व्यक्तिलाई बैशाख ८ गते

माघ २३ र फाल्गुन ३, ४, ५ गते खोप लगाएका व्यक्तिलाई बैशाख ९ गते

माघ २४ र फाल्गुन ६, ८, ९ गते खोप लगाएका व्यक्तिलाई बैशाख १० गते

माघ ३० र फाल्गुन ७, १० गते खोप लगाएका व्यक्तिलाई बैशाख ११ गते