कलाकार मदनकृष्ण श्रेष्ठसहित परिवारका पाँच जनालाई कोरोना संक्रमण

काठमाडौं । कलाकार मदनकृष्ण श्रेष्ठलाई कोरोना संक्रमण भएको छ । सामाजिक सञ्जाल फेसबुकमा लेख्दै कलाकार श्रेष्ठले आफूलगायत परिवारका पाँच जना सदस्यलाई कोरोना संक्रमण पुष्टि भएको जनाएका हुन् ।

उनले कोरोनालाई खेलाँची नगर्न आग्रह समेत गरेका छन् । श्रेष्ठ लामो समयदेखि पार्किन्सन रोगले ग्रसीत छन् ।

उनले लेखेका छन्, ‘म लगायत मेरा छोरा ,छोरी, बुहारी र नातिनी पाँचै जना लाई कोरोना पोजेटिभ देखिएको छ ! भई सके पछि सास्ती चाही हुने रहेछ तेसैले यो भाइरसलाइ खेलाँची नगर्नु होला ! जति सकिन्छ कोरोनाबाट सतर्क रहनु होला !जन्मदिनको शुभकामना दिनुहुने सबै लाई धेरै धेरै धन्यबाद !’