४३ केजी गाँजासहित चार जना पक्राउ

काठमाडौं । सिन्धुलीबाट ४३ केजी अवैध लागूऔषध गाँजासहित चार जना पक्राउ परेका छन् । पक्राउ पर्नेमा हरिहरपुरगढी गाउँपालिका १ गुरुजिडाडा बस्ने ३४ वर्षिय आशामान मोक्तान लगायत ४ जना रहेका छन् ।

उनीहरु हिजो मंगलवार राति हरिहरपुरगढी गाउँपालिका १ बागमती खोला नजिकबाट करिब ४३ केजी गाँजा सहित पक्राउ परेका हुन् ।

विशेष सूचनाको आधारमा जिल्ला प्रहरी कार्यालय सिन्धुलीबाट खटिएको प्रहरीले उनीहरुलाई प्लास्टिकमा प्याक गरि मोटरसाइकलमा लिएर जाँदै गरेको अवस्थामा उक्त परिमाणको अवैध लागूऔषध फेला पारी पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।