प्रधानमन्त्री ओलीले धरहराको उद्घाटन गर्दै

काठमाडौं । प्रधानमन्त्री केपी शर्मा ओलीले आज धरहराको उद्घाटन गर्ने भएका छन् ।

बिहान ११ बजेर ११ मिनेटको समय पारेर प्रधानमन्त्री ओलीले धरहराको उद्घाटन गर्ने भएका हुन् । २०७२ सालको विनाशकारी भुकम्पले ढलेको धरहराको पुनःनिर्माण गरिएको हो । प्रधानमन्त्री ओलीले २०७५ साल पुसमा धरहरा निर्माणको शिलान्यास गरेका थिए । पुनःनिर्माण कार्यले पूर्णता भने पाइसकेको छैन ।

करिब ४२ रोपनी क्षेत्रफलमा फैलिएको धरहराको पुनःनिर्माण लागि ३ अर्ब ४८ करोड खर्च भएको बताइएको छ ।