बराबरीमा रोकियो रियल

काठमाडौं । स्पेनिस ला लिगा फुटबलमा साविकको विजेता रियल मड्रिड बराबरीमा रोकिएको छ । शनिवार राति भएको खेलमा रियल मड्रिड रियल बेटिससँग गोलरहित बराबरीमा रोकिएको हो ।

घरेलु मैदानमा पाएको मौकालाई सदुपयोग गर्न नसक्दा रियलले बराबरीमा रोकिएको हो । यस बराबरीसँगै रियलले शीर्ष स्थानमा उक्लने मौका समेत गुमाएको छ ।

रियलले ३३ खेलमा ७१ अंक जोडेको छ । रियल दोस्रो स्थानमा रहेको छ । शीर्ष स्थानको एट्लेटिको मड्रिडको ७३ अंक रहेको छ ।

बेटिस ५० अंक जोडेर छैटौं स्थानमा रहेको छ ।

• एजेन्सी