भोलिबाट आन्तरिक हवाइ उडान बन्द, भारततर्फको सम्पूर्ण उडान स्थगित

काठमाडौं । कोरोना संक्रमणको जोखिम बढेसँगै सरकारले आन्तरिक उडान बन्द गर्ने निर्णय गरेको छ ।

आइतवार (आज) बसेको मन्त्रिपरिषद् बैठकले सोमवार (भोली) मध्यरातीबाट आन्तरिक उडान बन्द गर्ने निर्णय गरेको हो ।

कोभिड(१९ संकट व्यवस्थापन केन्द्र (सीसीएमसी) को सिफारिसअनुसार वैशाख २० गते राति १२ बजेदेखि आन्तरिक उडान बन्द गर्ने निर्णय गरेको स्रोतले जनाएको हो ।

त्यसैगरी छिमेकी मुलुक भारततर्फको सम्पूर्ण उडान स्थगित गरिएको छ । साथै ब्राजिल र दक्षिण अफ्रिकाबाट हुने उडान पनि बन्द गरिएको छ ।