काठमाडौं। नेपाल सुपर लिग (एनएसएल) मा आइतवार साँझ ललितपुर सिटी एफसीले आफ्नो मुख्य प्रशिक्षक प्रदिप हुमागाँईसँग बिदावारी गर्यो। शुरुका ४ खेलमा जित निक्लन नसक्दा हुमागाँईलाई ललितपुरले विदाई गरेको हो।
त्यस्तै दवावमा छन् एफसी चितवनका मुख्य प्रशिक्षक मेघराज केसी। चितवनले ३ खेलमा २ अंक बटुलेको अवस्था छ। ललितपुर र बुटवलसँग बराबरी खेलेको चितवनले धनगढीसँग पराजय भोगेको थियो।
अंक तालिकाको अन्तिम स्थान ओगटेको चितवनले आज विराटनगर सिटी एफसीको सामना गर्दै छ। प्रशिक्षक मेघराज केसीलाई आजको खेलमा ‘गर या मर’ को चुनौती छ। विराटनगर भने आजको खेलमा जित निकाल्दै शीर्ष स्थानमा रहेको धनगढीसँग अंक बराबरी गर्न चाहन्छ।
दशरथ रंगशालामा साँझ ५:३० बजे शुरु हुने सो खेलले केसीको भाग्य कहाँ पुर्याउनेछ? नेपाली फुटबलप्रेमी उत्सुक देखिन्छन्।
यो खबर पढेर तपाईलाई कस्तो महसुस भयो ?
प्रतिक्रिया