धनगढी । बैतडीमा जीप दुर्घटनाबाट मृत्यु हुनेको संख्या ५ पुगेको छ ।
मृत्यु हुनेमा पञ्चेश्वर गाउँपालिका वडा नं ६ का ५० वर्षीय जीतसिंह भण्डारी, ३० वर्षीय डम्मरसिंह भण्डारी, २७ वषीृय हिम्मत भण्डारी,४० वर्षीय दीपक भण्डारी र जिप चालक तेज बहादुर बोहरा रहेका छन् ।
जीप चालक बोहराको उपचारको लागि अस्पताल ल्याउँदै गर्दा मुत्यु भएको हो भने अन्य ४ जनाको घटनास्थलमै मृत्यु भएको घटनास्थलमा खटिएका जिल्ला प्रहरी कार्यालय बैतडीका प्रहरी निरीक्षक दर्शन खड्काले जानकारी दिए । दुर्घटनामा परी अन्य पाँच जना घाइते भएका छन् । उनीहरुलाई उपचारको लागि जिल्ला अस्पताल पठाइदैंछ ।
पञ्चेश्वर गाउँपालिका ६ का वडा सदस्य गोविन्दसिंह भण्डारीको शव बोकेर जिल्ला अस्पताल आउदै गरेको से १ ज १८३ नम्बरको जीप आज दिउँसो पौने ३ बजे पञ्चेश्वर गाउँपालिका ६ रोडिदेवलको गणमेश्वर मन्दिर नजिकै जीप दुर्घटना भएको हो । हिजो राती चट्याङ लागेर मृत्यु भएका वडा सदस्य भण्डारीको शव परीक्षणका लागि जिल्ला अस्पताल ल्याउदैं गरेको उक्त जीप दुर्घटनामा परेको हो ।
जीप सडकबाट करिब ५ सय मिटर तल खसेको जनाइएको छ । साँघुरो घुम्तीमा मोड्न नसक्दा ब्याक गर्दा जिप दुर्घटनामा जिल्ला प्रहरी कार्यालय बैतडीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया