काठमाडौं । रेम्डिसिभिर कालोबजारी गर्ने एक जना काठमाडौंबाट पक्राउ परेका छन् । कोरोना संक्रमितको उपचारमा प्रयोग हुने रेम्डिसिभिर कालोबजारी गरेको आरोपमा महाशाखाको टोलीले रसिक मियाँलाई पक्राउ गरेको हो ।
मियाँलाई महाराजगन्जबाट पक्राउ गरिएको महानगरीय अपराध महाशाखाका एसएसपी चन्द्रकुवेर खापुङले लोकपथलाई बताए ।
‘१ सेट (६ पिस) रेम्डिसिभर १ लाख २० हजारमा बेच्दै गरेको अवस्थामा मियाँलाई पक्राउ गरेका हौं ।’ एसएसपी खापुङले बताए ।
‘रेम्डिसिभिरको कालोबजारी भइरहेको कुरा पहिलेदेखी नै आइरहेको थियो, सोहि क्रममा महाशाखाको टोलीले खोजी तिव्र पारेको थियो । आज एक जना पक्राउ गरेका छौं ।’ उनले भने ।
पक्राउ परेका मियाले आफूलाई त्रिवि शिक्षण अस्पताल अगाडिको सेवक फर्माका सञ्चालक दीपक ढकालले रेम्डिसिभिर बेच्न लगाएको प्रहरीसँगको बयानमा बताएका छन् ।
मियाँलाई अहिले अपराध महाशाखामा राखिएको र थप अनुसन्धान भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया