काठमाडौं। सन् २०२० का उत्कृष्ट खेलाडीमा स्पेनिश टेनिस स्टार राफायल नाडाल र जापानकी टेनिस खेलाडी नाओमी ओसाका घोषित हुंदै लाउरेस स्पोर्ट्स अवार्ड प्राप्त गरेका छन्। स्पोर्ट्सको अस्कर भनेर लाउरेस स्पोर्ट्स अवार्डलाई चिनिन्छ।
पुरुषतर्फ नाडाल वर्षको उत्कृष्ट अेलाडी घोषित हुंदै ‘वर्ल्ड स्पोर्ट्स्म्यान अफ दि इयर’को उपाधी हात पारेका हुन्। सन् २०२० मा नाडालले फ्रेन्च ओपनको उपाधी जित्दै सर्वाधिक ग्राण्डस्लाम विजेता रोजर फेडेररसगं कीर्तिमान बराबरी गरेका थिए।
त्यस्तै गत वर्षकी युएस ओपन विजेता ओसाकाले ‘वर्ल्ड स्पोर्ट्सवुमन अफ दि इयर’को उपाधी जितेकी हुन्।
जर्मन फुटबल क्लब बायर्न म्युनिखले ‘वल्र्ड टीम अफ दि इयर’को सम्मान प्राप्त गरेको छ। त्यस्तै लिभरपुलका स्टार फर्वाड मोहम्मद सालाहले ‘स्पोर्टिङ इन्स्पिरेसन’को अवार्ड प्राप्त गरेका छन् भने फर्मुला वानका रेसर लुइस ह्यामिल्टन ‘एथ्लेट एड्भोकेट’को उपाधीबाट सम्मानित भएका छन्।
यो खबर पढेर तपाईलाई कस्तो महसुस भयो ?
प्रतिक्रिया