काठमाडौं। इंग्लिश प्रिमियर लिग अन्तर्गत शनिवार भएको खेलमा लिड्स युनाइटेडले टोटनह्याम हटस्परलाई ३-१ गोलले पराजित गरेको छ।
लिड्सको घरेलु मैदान ‘एलाण्ड रोड’मा खेलिएको सो खेलमा लिड्सका लागि स्टुवार्ट डालासले १३औं मिनेटमा खाता खोलेका थिए। टोटनह्यामले २५औं मिनेटमा खेललाई बराबरीमा ल्याउन सफल भएको थियो। स्पर्सका लागि सनले गोल गर्दै खेल बराबरीमा लगेका थिए।
तर खेलको ४२ औं मिनेटमा लिड्सका स्ट्राइकर प्याट्रिक व्यामफर्डले गोल गर्दै लिड्सको अग्रता कायम राख्न सफल भए।
दोस्रो हाफमा टोटनह्यामले खेलमा फर्किन सक्दो प्रयास गरेपनि खेलको ८४औं मिनेटमा स्पेनिश खेलाडी रोड्रिगोले गोल गर्दै लिड्सको जित सुनिश्चित गरे।
यो जितसँगै लिड्स अंक तालिकाको ९ औं स्थानमा रहेको छ। ३५ खेलमा लिड्सले ५० अंक जोड्न सफल भएको छ। उता टोटनह्यामको ३५ खेलमा ५६ अंक रहेको छ। हालको लागि ६औं स्थानमा रहेपनि टोटनह्यामको स्थान फेर बदल रहने निश्चित छ।
यो खबर पढेर तपाईलाई कस्तो महसुस भयो ?
प्रतिक्रिया