एनएसएल : बुटवल लुम्बिनी एफसी प्लेअफमा

काठमाडौं।  नेपाल सुपर लिगको पहिलो संस्करणको चार सेमी फाइनल टोली पक्का भएका छन्। शनिवार भएको दोस्रो खेलमा धनगढी एफसीलाई १-० गोलले पराजित गर्दै बुटवल लुम्बिनी एफसी प्लेअफमा पुग्ने चौथौं र अन्तिम टोली बनेको छ।

दशरथ रंगशालामा भएको खेलमा बुटवललाई धनगढी माथिको जित अपरिहार्य थियो। त्यसको लागि बुटवलको टोलीले खेलको शुरुवात देखिनै एट्याकिङ फुटबल खेलेको थियो।

तर गोल भने दोस्रो हाफको ८२ औं मिनेटमा मात्र आयो। विलियमको शानदार पासमा बुटवलका स्ट्राइकर सुमन लामाले गोल गर्दा बुटवलको जित पक्का भएको हो।

यो जितसँगै बुटवलले आफ्नो ६ खेलमा ८ अंक बटुल्दै प्लेअफको यात्रा सुनिश्चित गरेको हो। ८ अंकमै रहेको पोखरा थन्डर्स हेड-टू-हेडको आधारमा प्रतियोगिताबाट बाहिरिएको छ।

यसका साथै एनएसएलको प्लेअफ यात्रा सुनिश्चित गर्ने चार टोली धनगढी, काठमाडौं, ललितपुर र बुटवल लुम्बिनी भएका छन्।