काठमाडौं । नेपालमा कोरोना संक्रमितको संख्या ४ लाख नाघेको छ ।
पछिल्लो २४ घण्टामा एकैदिन ९ हजार २ सय ७१ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको कुल संख्या ४ लाख ३ हजार ७ सय ९४ पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा १८ हजार ४ सय ११ जनामा परीक्षण गरिएको थियो । जसमध्ये १७ हजार ६ सय २३ जनाको पीसीआर परीक्षण र ७८८ जनाको एन्टिजेन परीक्षण गरिएकोमा सो परिमाणमा कोरोना संक्रमितहरु थपिएका हुन् ।
त्यस्तै पछिल्लो २४ घण्टामा मात्रै नेपालमा १३९ जनाको कोरोना संक्रमणको कारण ज्यान गएसँगै कुल मृतक संख्या ३ हजार ८ सय ५९ जना पुगेको छ ।
हाल नेपालमा ४२७ जना क्वारेन्टाइमा रहेको छन् । मन्त्रालयका अनुसारका अनुुसार पछिल्लो २४ घण्टामा मात्रै ४ हजार ७ जना कोरोना संक्रमणमुक्त भएसँगै कुल संक्रमण मुक्त हुनेको संख्या ३ लाख ६ हजार ७ सय ९४ पुगेको छ । हालसम्म ७६ प्रतिशत कोरोना संक्रमणमुक्त भएका छन् ।
त्यस्तै पछिल्लो २४ घण्टामा मात्रै काठमाडौं उपत्यकामा ३ हजार ६ सय ७ जनामा कोरोना संक्रमण पुष्टि भएको हो ।
जसमध्ये काठमाडौंमा २ हजार ७ सय ७५, भक्तपुरमा ३ सय २७ र ललितपुरमा ५ सय ५ जनामा कोरोना संक्रमण पुष्टि भएको हो ।
यो खबर पढेर तपाईलाई कस्तो महसुस भयो ?
प्रतिक्रिया