भारतमा कोरोना : थप ३ लाख ६२ हजार बढीमा संक्रमण पुष्टि

काठमाडौं । छिमेकी देश भारतमा पछिल्लो २४ घण्टामा थप ३ लाख ६२ हजार ४ सय ६ जनामा कोरोना संक्रमण पुष्टि भएको छ । योसँगै भारतमा कुल संक्रमितको संख्या २ करोड, ३७ लाख २ हजार ८ सय ३२ जनामा कोरोना संक्रमण पुष्टि भएको तथ्यांकले देखाएको छ ।

त्यस्तै पछिल्लो २४ घण्टामा थप ४ हजार १ सय २६ जनाको कोरोना संक्रमणको कारण मृत्यु भएसँगै कुल मृतक संख्या २ लाख ५८ हजार ३ सय ५१ पुगेको छ ।

वल्डोमिटरको तथ्यांकअनुरा हालसम्म भारतमा कुल १ करोड ९७ लाख २८ हजार ४ सय ३९ जना कोरोना संक्रमणमुक्त भएका छन् । भने हाल सक्रिय कोरोना संक्रमितको संख्या ३७ लाख १६ हजार ४५ रहेको छ । त्यस्तै हालसम्म ८ हजार ९ सय ४४ जनाको अवस्था गम्भीर रहेको छ ।