काठमाडौं। नेपाल अधिराज्यभर रेस्लिङको सम्पूर्ण गतिविधि स्थगित भएको छ।
देशमा कोरोना महामारीको आक्रान्त मच्चिएको कारणले गर्दा ‘नेपाल रिङ रेस्लिङ संघ’ले रेस्लिङ खेलको सम्पूर्ण गतिविधि स्थगित गर्ने जानकारी दिएको हो। एक विज्ञप्ति निकाल्दै संघले सो जानकारी सार्वजनिक गरेको हो।
संघले पहिले सबै नेपाली सुरक्षित रहनु पर्दछ भन्ने उदेश्यका साथ आफ्नो खेलको गतिविधि केही समयका लागि स्थगित गरेको जानकारी विज्ञप्तिद्वारा पेश गर्यो।
संघका महासचिव सुवर्ण श्रेष्ठका अनुसार, रेस्लिङ गतिविधि स्थगित गरिएपनि दर्शकको मनोरञ्जनका लागि रेस्लिङको आफ्नै ‘युट्युब’ च्यानल खोलिएको जानकारी गराए।
यस्तो भयावह परिस्थितिमा पनि अब दर्शकले घरैबाट रेस्लिङ खेलको मनोरञ्जन प्राप्त गर्न सक्नेछन्।
यो खबर पढेर तपाईलाई कस्तो महसुस भयो ?
प्रतिक्रिया