राष्ट्रिय सभा उपनिर्वाचनमा रामबहादुरलाई मतदान गर्न एमालेको निर्देशन

काठमाडौं । बागमती प्रदेशको राष्ट्रिय सभा सदस्य उपनिर्वाचनमा पार्टीको उम्मेदवार रामबहादुर थापालाई मतदान गर्न नेकपा एमालले निर्देशन दिएको छ ।

नेकपा(एमाले)का महासचिव ईश्वर पोखरेलले जेठ ६ गते हुने उपनिर्वाचनमा पार्टीको आधिकारिक उम्मेदवार रामबहादुर थापालाई चुनाव चिन्ह सूर्यमा मतदान गर्न निर्देशन दिएका हुन् । मतदानमा सहभागी हुँदा कोरोना पिसिआर परिक्षणको प्रमाणपत्र अनिवार्य लिएर आउन पनि भनिएको छ ।

मतदान कार्यक्रम जेठ ६ गते बिहान ९ बजेदेखि दिउँसो ३ बजेसम्म हेटौंडामा हुनेछ ।