हस्ताक्षरसहित ओली पनि पुगे प्रधानमन्त्रीको दाबी गर्दै शीतलनिवास

काठमाडौं । नेकपा एमालेका संसदीय दलका नेता केपी शर्मा ओली प्रधानमन्त्रीको दाबीसहित राष्ट्रपति भवन शीतल निवास पुगेका छन् ।

राष्ट्रपति विद्यादेवी भण्डारीले नयाँ सरकार गठनका लागि आह्वान गरेको र विपक्षी गठबन्धन समेत १४९ जनाको हस्ताक्षर लिएर शीतल निवास पुगेका छन् ।

यसैबीच प्रधानमन्त्री ओली एमालेको १२१ र जनता समाजवादी पार्टीको १६ सांसदको हस्ताक्षरसहित राष्ट्रपति कार्यालय पुगेका हुन् ।

संसदको ठूलो दलको हैसियतमा प्रधानमन्त्री ओली सरकारको दाबी गर्न शीतल निवास पुगेको एक नेताले बताए । यद्यपी ओली शीतल निवासबाट बाहिरिसकेका छन् ।