नेपालमा कोरोना : ५ लाख नाघे संक्रमित, आज थप ८ हजार ९ सय ८० जनामा संक्रमण

काठमाडौं । नेपालमा पछिल्लो २४ घण्टामा थप ८ हजार ९ सय ८० जनामा कोरोना संक्रमण पुष्टि भएको छ ।

योसँगै नेपालमा कोरोनाका कुल संक्रमितको संख्या ५ लाख ५ हजार ६ सय ४३ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो २४ घण्टामा नेपालमा कोरोना संक्रमणबाट थप १२९ जनाको मृत्यु भएसँगै कुल मृतक संख्या ६ हजार १ सय ५३ पुगेको छ ।

त्यस्तै पछिल्लो २४ घण्टामा नेपालमा थप ८ हजार ८ सय ४८ जना कोरोना संक्रमण मुक्त भएका छन् । योसँगै नेपालमा कोरोना संक्रमणमुक्त हुनेको संख्या ३ लाख ८३ हजार ६ सय ८४ पुगेको मन्त्रालयले जनाएको छ । भने हाल नेपालमा कोरोनाका सक्रिय संक्रमितको संख्या १ लाख १५ हजार ८ सय ६ पुगेको छ ।