ओलीलाई गगन थापाको प्रश्न- ‘राष्ट्रपतिको साख कसले गिराएको ?’

काठमाडौं । नेपाली कांग्रेसका सांसद गगनकुमार थापाले राष्ट्रपतिलाई तिमि भनेकोमा प्रधानमन्त्रीको आपत्तिप्रति टिप्पणी गरेका छन् ।

सामाजिक सञ्जालमा लेख्दै नेता थापाले गणतन्त्रणमा सम्मान दर्जाले नभई कामले हुने बताए ।
नेता थापाले भने- ‘राष्ट्रपतिलाई तिमी भनेकोमा खड्ग ओलीलाई चित्त दुखेछ,बिचरा! गणतन्त्रमा सम्मान दर्जाले होइन कामले आर्जन गर्ने हो कमरेड!!

त्यस्तै प्रधानमन्त्री केपी शर्मा ओलीको विभिन्न सिफारिस तत्काल अनुमोदन गरेकोप्रति संकेत गर्दै राष्ट्रपति स्वयमले सम्माननीयबाट तपाई हुँदै तिमीमा झरेको बताए । त्यस्तै आफ्नै कर्म र प्रवृतिले राष्ट्रपति विद्यादेवी भण्डारीको साख खस्किएको दाबी गरेका छन् । उनले भने- ‘सम्माननीय राष्ट्रपति’बाट तपाईं हुँदै तिमीमा कसले ओरालेको ? आफ्नै कर्म र प्रवृत्तिले विद्या भण्डारीलाई सम्मानको शिखरमा अडिन नसकेर ओरालेको हो।’