काठमाडौं। म्यानचेस्टर सिटीका प्रशिक्षक पेप ग्वार्डियोलाले यस वर्षको उत्कृष्ट प्रशिक्षक उपाधि जितेका छन्।
म्यानचेस्टर सिटीलाई ४ वर्षको अन्तरालमा तेस्रो प्रिमियर लिग उपाधि जिताउन सफल भएका ग्वार्डियोला “लिग म्यानेजर्स एसोसिएसन” (एलएमए) उपाधिबाट सम्मानित भएका छन्।
म्यानचेस्टर सिटीले सन् २०२०/२१ को प्रिमियर लिग उपाधि आईतवार उचालेको थियो। यसै गरी यस वर्षको लिग कप उपाधि पनि सिटीले गत महिना जितिसकेको छ।
यस अघि ग्वार्डियोलाले सन् २०१७/१८ मा यो ‘एलएमए’ अवार्ड जितेका थिए। उनले दोस्रो पटक यो उपाधि जित्दा निकै खुशी भएको कुरा पनि व्यक्त गरे। त्यस्तै यो उपाधिको श्रेय उनले आफ्नो सम्पूर्ण खेलाडी तथा प्रशिक्षण टोलीलाई दिएका छन्।
ग्वार्डियोलाको (२) भन्दा बढी म्यानचेष्टर युनाइटेडका पूर्व प्रशिक्षक, सर एलेक्स फर्गसनले (५) र डेभिड मोयेसले (३) पटक यो उपाधि जितेका छन्।
यो खबर पढेर तपाईलाई कस्तो महसुस भयो ?
प्रतिक्रिया