काठमाडौं। क्रोएसिया तथा रियल मड्रिडका मिडफिल्डर लुका मोड्रिचले स्पेनिश क्लब रियल मड्रिडसँग नयाँ सम्झौता गरेका छन्।
मोड्रिचले रियल मड्रिडसँग एक वर्षको सम्झौता थप्दै सन् २०२२ को सिजनसम्म मड्रिड बस्ने निर्णय गरेका हुन्। सन् २०१८ का ‘बलोन डे ओर’ विजेता मोड्रिचको यही ‘जुलाई १’ तारीखदेखि रियल मड्रिडसँग ‘कन्ट्रयाक्ट’ समाप्त हुँदै थियो।
नौ वर्ष अघि इंग्लिश क्लब टोटनह्यामबाट स्पेनको राजधानी आएका मोड्रिचले रियल मड्रिडसँग चार ‘च्याम्पियन्स लिग’ उपाधि जितिसकेका छन्। त्यस्तै ३५ वर्षिय मिडफिल्डर मोड्रिचले रियलसँग १७ उपाधि जित्दा दुई ‘ला-लिगा’ उपाधि पनि हात पारेका छन्।
यो खबर पढेर तपाईलाई कस्तो महसुस भयो ?
प्रतिक्रिया