यस कारण एमाले स्थायी कमिटी बैठक स्थगित

काठमाडौं । आज बस्ने भनिएको नेकपा एमालेको स्थायी कमिटी बैठक स्थगित भएको छ ।

साँझ ५ बजेका लागि बैठक बोलाइए पनि नेताहरुको व्यस्तताको कारण बैठक स्थगित गरिएको एमाले कार्यालय सचिव शेरबहादुर तामाङले जानकारी दिए ।

उनका अनुसार बजेटका समिक्षामा अन्य नेताहरु व्यस्त हुने भएकाले बैठक स्थगित गरिएको हो ।

‘आज बैठक बस्ने भनिएपनि नेताहरुको व्यस्तताको कारण बैठक स्थगित गरिएको छ । नेताहरु बजेटको समिक्षामा लागेकाले आज संभव नभएको हो ।’ उनले भने ।