काठमाडौं। इङ्ल्यान्ड भ्रमणमा रहेको न्युजिल्यान्डको टोलीले आज, बुधवारबाट पहिलो टेस्ट खेल्दै छ।
२ वटा टेस्ट म्याच सिरिज खेल्न न्युजिल्यान्डको टोली इङ्ल्यान्ड भ्रमणमा रहेको छ। आगामी ‘जुन २२’ बाट भारतविरुद्ध ‘टेस्ट च्याम्पियनशिप’को फाइनल खेल्न गइरहेको न्युजिल्यान्डको टोलीलाई इङ्ल्यान्डविरुद्धको यो सिरिज महत्वपूर्ण हुनेछ।
उता ‘जो रुट’को कप्तानीमा रहेको घरेलु टोली न्यूजील्याण्डविरुद्ध जित निकाल्ने दाउमा हुनेछ। त्यस्तै सन् २०१९ को ‘विश्वकप क्रिकेट फाइनल’मा इंग्ल्यान्डसँग पराजित भएको न्युजिल्यान्डको टोली आफ्नो पुरानो हारको बदला लिने दाउमा हुनेछ। यस सिरिजमा सम्मिलित कप्तान ‘केन विलियम्सन’ सहित ७ खेलाडीले सन् २०१९को विश्वकप फाइनल खेलेको थिए।
‘होम अफ क्रिकेट’ भनेर चिनिने ‘लर्ड्स’ मैदानमा आजको खेल नेपाली समय अनुसार अपरान्ह ३:४५ बजे शुरु हुनेछ। विगत १ वर्ष देखि दर्शक बिना आयोजना भइरहेको इंग्लिश क्रिकेटमा आजको खेलमा दर्शक पनि हुनेछन्।
यो खबर पढेर तपाईलाई कस्तो महसुस भयो ?
प्रतिक्रिया