काठमाडौं। टेनिस सुपरस्टार सेरेना विलियम्स जारी फ्रेन्च ओपन प्रतियोगिताको तेस्रो चरणमा प्रवेश गरेकी छिन्।
बुधवार राति पेरिसको ‘फिलिप च्याटरियर एरेना’मा खेलिएको खेलमा विश्व नम्बर ७ सेरेनाले रोमानियाकी मिहेला बुजारनेस्कुलाई ६-३, ५-७, ६-१ को सेटमा पराजित गरेकी छिन्।
आफ्नो करियरको ३६४औं जित निकाल्ने क्रममा ३९ वर्षीय सेरेनाले पहिलो सेट सजिलै हात पार्दा दोस्रो सेट बुजारनेस्कुलाई सुम्पेकी थिइन्। तर तेस्रो तथा निर्णायक सेटमा उनले सहज जित हासिल गर्दा उनी जारी फ्रेन्च ओपन प्रतियोगिताको ‘अन्तिम ३२’ मा पुगेकी हुन्।
२३ पटक ‘ग्रान्ड स्ल्याम’ विजेता अमेरिकी खेलाडी सेरेनाले अब तेस्रो चरणमा अमेरिकाकै डानिले कोलिन्ससँग प्रतिस्पर्धा गर्ने छिन्।
यो खबर पढेर तपाईलाई कस्तो महसुस भयो ?
प्रतिक्रिया