स्पेन र पोर्चुगलले खेले गोलरहित बराबरीको खेल

काठमाडौं।  गए राति खेलिएको स्पेन र पोर्चुगल बिचको मैत्रीपूर्ण खेल गोलरहित बराबरीमा सकिएको छ।

युरो कप आउन मात्र एक साता बाँकि रहँदा युरोपियन राष्ट्रहरू मैत्रीपूर्ण खेलमा व्यस्त बनेका छन्। एथ्लेटिको मड्रिडको घरेलु मैदान ‘वाण्डा मेट्रोपोलिटियानो’मा खेलिएको खेलमा दुवै टोलीले गोल भने गर्न सकेनन्।

स्पेनले अधिकांश समय बल ‘पोसेशन’मा हैकम जमाए पनि मात्र २ शटलाई टार्गेटमा राख्न सफल भएको थियो। कप्तान सर्जियो रामोसलाई टोलीमा समावेश नगरेको स्पेनको कप्तानी बार्सिलोनाका सर्जियो बुस्केटसले गरेका थिए।

त्यस्तै पोर्चुगलका कप्तान क्रिस्टियानो रोनाल्डो पनि पुरै खेलको दौरान शान्त देखिए। पोर्चुगलको खेलमा तालमेल नमिल्दा उनले गोल गर्न सकेनन्।