काठमाडौं । गैरआवासीय नेपाली संघ (एनआरएनए) जापान क्युस्युको संयोजकमा अर्जुन थापा निर्विरोध निर्वाचित भएका छन् ।
यसअघि सचिवको जिम्मेवारीमा रहेका थापा शनिवार (हिजो) भएको अधिवेशनबाट आफ्नो सम्पूर्ण प्यानलसहित निर्विरोध निर्वाचित भएका हुन् ।
नुवाकोट पञ्चकन्या गाउँपालिका ३ घलेगाउँमा जन्मिएका थापा सन् २०१२ मा जापान प्रवेश गरेका हुन् ।
हाल फुकुओका जापान बस्दै आएका उनी स्नातक हुन् । विद्यालय जीवनदेखि नै सामाजिक काममा रुची राख्ने संयोजक थापा नेपाल जापान फ्रेन्डसीप लायन्स क्लबका संस्थापक अध्यक्ष, फुकुओका नेपाल सोसाईटीका पूर्वसदस्य हुन् भने हाम्रो नेपाल हामी नेपाली अभियानका सचिवको जिम्मेवारीमा छन् ।
यो खबर पढेर तपाईलाई कस्तो महसुस भयो ?
प्रतिक्रिया