काठमाडौं । बौद्धमा बोराभित्र व्यक्तिको एउटा खुट्टा फेला परेको छ । बौद्धको टाउन प्लानिङमा बोराभित्र एउटा खुट्टामात्र फेला परेको हो ।
महानगरीय प्रहरी वृत बौद्धका प्रहरी निरीक्षक कृष्ण श्रेठका अनुसार स्थानीयले बिहानै पूजा गर्ने दुबो टिप्न बाहिर निस्किएको बेला सिमेन्टको बोराभित्र खुट्टा देखेपछि बौद्ध प्रहरीलाई खबर गरेका थिए ।
‘खबरपछि हामी तुरुन्तै घटनास्थल पुग्यौ बोरा खोलेर हेर्दा बोराभित्र वयस्क व्यक्तिको एउटा घुडाँ भन्दा तलको खुट्टा फेला परेको छ ।’ प्रहरी निरीक्षक श्रेठले लोकपथलाई बताए ।
घटनास्थलमा त्रिवि शिक्षण अस्पताल महाराजगञ्जका फरेन्सिक डाक्टर बोलाइएको उनले बताए ।
‘त्रिवि शिक्षण अस्पताल महाराजगञ्जका फरेन्सिक डाक्टर बोलायौं, घटनास्थलको प्रारम्भिक अनुसार दुई-तीन हप्ता अगाडि नै खुट्टा अलग गरिएको हुनसक्ने आशंका गरेका छौं ।’ प्रहरी निरीक्षक श्रेठले बताए ।
भेटिएको खुट्टा पोष्टमार्टमका लागि त्रिवि शिक्षण अस्पतालमा पठाइएको छ । घटनास्थलमा थप अनुसन्धानका लागि कुकुरको टोली बोलाइएको बौद्ध प्रहरीले जानकारी दिएको छ ।
शव कसको हो भनने बारे पहिचान नभएको र घटना बारे थप अनुसन्धानका प्रक्रिया शुरु गरिएको बौद्ध प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया